《魚樂無窮》下周重臨亞視

明報 2011年1月26日

【明報專訊】經典長壽節目《魚樂無窮》（Telefishion）下個月1號將會載譽回歸，重現亞視國際台，今次復播時間係逢周一到周五深夜同埋早上。《魚樂無窮》重現公仔箱消息一出，即時引起網民迴響，形容引頸以待多年咁話。

《魚樂無窮》停播後，唔少網民曾經表示希望亞視可以復播，佢地問過原因，質疑係咪魚死晒！？所以，今次復播，大家好期待，有網民期望可以帶起向來積弱亞視收視率；有人想知，究竟係播原汁原味舊版，定係搵新魚取代舊魚新一輯；仲有網民提議無不妨用大帽山上星星「抗衡」。不過今次安排，唯一令網民唔明係，點解會朝早播出，取代原有節目《財經資訊》。